Nosa Señora, non nos falles

POESÍA A NOSA SEÑORA

DOS REMEDIOS DE TEIXEIRO

1.- Nosa Señora, non nos falles

Virxenciña dos Remedios,

pon remedio a os nosos males,

escoita as nosas plegarias,

Nosa Señora, non nos falles.

Aquí estamos en setembro,

coma sempre, o día oito

honrando a Nosa Patrona

que hoxe luce un manto novo.

Baixámoste do Altar Maior,

levásmoste a ombros na procesión,

pasamos por debaixo da túa imaxe

que nos deas a túa bendición.

Bombillas de cores na vila,

estouros de bombas no ceo,

nas casas, xantares de festa,

vestidos de estrea na misa

e pola noite, a verbena.

Santiña bendita

¡A mellor das nosas veciñas!

Nesta igrexa te recordo

desde que eu teño acordo.

E por esta igrexa pasaron

moitos cregos que te louvaron.

Don Restituto de Don Luis,

aos que no coñecín pero de quen,

meus pais me teñen falado.

Don Manuel Barbazán,

o cura que me bautizou

e o seu sobriñó “o cura pequeno”

como lle llamábamos os nenos.

Logo viñeron Don Manuel Trasar

que a parroquia modernizou

e Don Sergio, que a morte axiña

do seu labor o apartou.

E agora temos outo Don Manuel,

un home dos “bos e xenerosos”

aos que cantaba Pondal, o seu ilustre veciño,

un sacerdote que “a nosa voz entende”

como decía o poeta de Bergantiños.

Virxenciña dos Remedios,

pon remedio a os nosos males,

escoita as nosas plegarias,

Nosa Señora, non nos falles.

Sempre estiveches con nós,

Santiña do noso pobo,

compartindo os acontecementos más felices

e consolándonos nos momentos máis tristes.

Nunca nos abandonaches

nin cando a nosa fe desfalece

nin cando deixamos de crer en Tí.

Santiña do noso pobo,

sempre estiveches aí.

Nacín nunha casiña de pedra

a menos de cen metros

de onde Ti moras.

E a menos de cen metros de Ti

pido que me enterren

o día que eu morra.

Miña benquerida Santa,

quero ficar eternamente

á beira da túa casa.

Virxenciña dos Remedios,

pon remedio a os nosos males,

escoita as nosas plegarias,

Nosa Señora, non nos falles.

Autor: Carmiña (seudónimo)

Fecha: 8 de setembro de 2010